شوف الفرق بين هالبنتين

الفرق بين البنت الدفشه و البنت الناعمه ههههههه "موضوع يضحك"


[البنت الناعمة:


طبعا هذه البنت وهى نايمة فى غرفتها الدبدوب والارنوب كلهم فى احضانها واذا قامت من النوم

ما تقوم الا الساعة وحدة الظهر واللى تقعدها من النوم الخدامة وطبعا تكلمها بالانجليزى بترجم

لكم ش قالت لها الخدامة 00 تقول قومى ما ما وقت واجد تأخير 00 والناعمة اول ما تقوم

من النوم تفتح البردة والدريشه علشان الغرفة تتنفس وشغلت موسيقى رومانسية علشان

يكون الجو رايق وتاخذ حمام محترم وبعد ما تطلع من الحمام على المنظره تحط من هالكريمات

والصبغ 00 لازم تحافظ على البشرة 00 خلصت من المنظره وتتجة الان الى الاستشوار

وبعدين تلبس البنطلون الجنز والتي شيرت 00 وتنزل تاكل الريوق اللى يكون عبارة عن دونت

وعصير برتقال 0

------------------------------------------

البنت الدفشة :


تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى

شبعتى نوم ترد الدفشة على امها 00 زين زين الحين بقوم 00 وتقعد تأفففففففف ويطلع من

فمها نار 00 بالاضافة الى انها وهى نايمة كل دقيقة تطيح من على السرير 00 وبعدين يدخل

اخوها الصغير ويصرخ 00 ويع 00 يالله كافي نوم 00 ترد علية : اطلع من الغرفة والا

اقطك من الدريشه الحين << تذكرت كره اذا دخلو عليها اخوانها >>المهم اخوها اللى اكبر منها يروح لها الغرفة يرفسها

وبعد تلك

الرفسة العنيفة 00 تقوم من النوم
-----------------------------------

نرجع الى البنت الناعمة


ما تتغدا الا الساعة 4 ولا 5 ولا تتغدى الا على عيش ابيض

وسلطة تحافظ على رشاقتها 0

---------------------------------
اما البنت الدفشة


تتغدا الساعة 12 بالضبط ولا تغدا الا مجبوس ولحم او دياي واذ خلصت تشرب البيبسى شربة

واحدة يعنى ما فى مجال انها تتنفس 000

---------------------------------------

البنت الناعمة:


طلعتها تكون من بعد صلاة المغرب ما تطلع العصر تحافظ على البشرة من ضوء الشمس

----------------------------------

البنت الدفشة


تطلع الساعة 2 القايلة تروح مشى لبيت خوالها لين ما تنقلب سمرة سمره والا جلسه>كح كح< المهم0

---------------------------------------

البنت الناعمة:


تروح ستار بكس او اى كافي وقبل لا تطلع تمر على الصالون تحط هذاك الميك اب-------------------------------------

البنت الدفشة


تحط كحل يترس العين والحمره تقول ما كلة انسان واذا بتروح تروح السوق ولا سوق الحراي 0

-----------------------------------------

البنت الناعمة:

اذا تبى تضحك تقول ( هههههههههه) ويدها على حلجها من المستحى والضحكة من الصعب انك تسمعها

---------------------------

البنت الدفشة


ها ها ها ها 00 واهل الفريج الثاني يسمعونها

----------------------------------


البنت الناعمة:


اذا تحب تسمع اغانى ما تسمع عربى ما تسمع الا ريكى مارتن طبعا لانة حلو وممثلها المفضل

توم كروز وميل جبسون وجيم كارى لخفة دمهم 0


------------------------------------

اما البنت الدفشة


ممثلها المفضل محمد هنيدي وعبدالناصر درويش ومطربها المفضل خالد عبد الرحمن ورابح صقر والا شعبان عبد الرحيم 0

---------------------------------------

البنت الناعمة:


لما تطالع التلفزيون تقعد على الكرسى وتحط ريل على ريل وتبتسم لان الابتسامة تضفى بشاشة على الوية 0


----------------------------------------

البنت الدفشة


تنسدح على الارض وتحط رأسها على المخدة وتمد ريلها وتحطها على التلفزيون واذا تبى

تغير القناة دزت التلفزيون باصبع ريلها وغيرت القناة 0

----------------------------------------

البنت الناعمة:


اذا تبى تحلم احلام اليقضة طلعت فى حديقة بيتهم وقعدت على الكرسى هزاز وقام الكرسى

يروح ويرجع 0

-------------------------------------

البنت الدفشة:

تروح بالحوش وتمد الزوليه اللى فيها خمسة وثلاثين لون احمر واسود وابيض ويابت قلاص

ستة متر متروس جاى 0

-------------------------------------

البنت الناعمة:


فى نهاية المواضيع تقولكم 00 تشاو 00 او سى يو 00 او بباى

----------------------------------------

اما الدفشة :


فى نهاية الموضوع تقولكم 00 حياكم الله 00 تأمرون على شىء
خخخخخخخخخخخ<><><><><><>

يلاااااااا كل وحده منكم تقول هي دفشه ولا ناعمه


اكيد كلكم بتقولون البنت الناعمه